Zure pasa-hitza ahaztu duzu?

BERRIAK : ENTRENATZAILEAK

2020ko Abuztuak 28

Gipuzkoako arrakasta aulkietan

Aurreko ostiralean ofizialki amaitu zen 2019/20 denboraldia liga handietako entrenatzaile gipuzkoarrentzat eta haien taldeentzat. Mikel Arteta Ingalaterran, Imanol Alguacil eta Julen Lopetegui La Ligan, eta Andoni Iraola zilarrezko mailan izan dira futbol maila altuenetan denboraldia amaitu duten entrenatzaileak. 

Atzerrian entrenatzen duen zerrendako entrenatzaile bakarrarekin hasiko gara, Mikel Artetarekin. Lehen aldiz futbol profesionaleko lehen entrenatzailea izan arren, denboraldi bikaina egin du. Pep Guardiolaren bigarrena izateak Manchester Cityn esperientzia eman zion eta munduko onenetako batengandik ikasteko aukera ere bai. Arsenal F.C. taldea hartu zuen momentu txarrean zegoenean eta egoerari buelta ematea lortu zuen. Taldea Europan sartzea lortu zuen eta denboraldia sentsazio onekin amaitu zuten Fa Cup irabazi eta UEFA Europa Leaguera automatikoki sailkatu ondoren. Oso denboraldi positiboa izan da donostiarrarentzat, Arsenalentzat txarra zirudien denboraldia aurrera ateratzea lortu baitzuen, eta Londresko zaleei eta klubari ilusioa itzuli die.

Gipuzkoako beste sorpresa bat aurkitzeko, Donostiara hurbildu besterik ez dugu egin behar, Imanol Alguacilek arrakasta handiko denboraldia lortu baitu. Geldialdira arte, txuri urdinak kontinente zaharreko futbolean hobekien jokatzen zuenetakoak ziren, eta horren ondorioz Champions postuengatik borrokatzen zuten. Geldialdiak ez zion mesederik egin taldeari, ligako azken partidetan tonuz kanpo zegoela erakutsi baitzuen, baina azkenean Europako txapelketara sailkatzea lortu zuen, sailkapenean seigarren geratu ondoren, UEFA Europa Ligarako txartela lortu zuten. Jokatzeko modu horrek Europa guztia maitemindu zuen, eta ligako talde erakargarrienetako bat bihurtu zen. 

Baina arrakastak ez dira bakarrik ligan lortu. Euren joko sinestezinari esker Errege Kopako finalera iristea lortu zuten. Finalerako bidean gehien gogoratzen den partida Santiago Bernabeun 3-4 irabazi zutena da. Imanolen taldeak karisma eta lehiakortasuna erakutsi zituen erraldoi zuriaren aurka eta finalerdietarako txartela lortu zuen, non gipuzkoar entrenatzaile batek zuzendutako beste talde baten aurka jokatu eta irabaziko zuten, CD Mirandes,  finalerako txartela lortuz. Denboraldi bat historiarako.

Andaluzian Julen Lopetegui dugu hurrengo protagonista. Aurtengoa bere lehen denboraldia izan da Sevilla FC taldean. Sevillako taldea Champions Leaguerako sailkapena lortzeaz gain, UEFA Europa Leaguea irabazi du. Dudarik gabe denboraldiko entrenatzaile gipuzkoarrik arrakastatsuena da. Finalerako bidea ez zan erraza izan, partidu gogorrak eduki dituzte eta Manchester United bezalako talde historikoak kanporatu dituzte (2-1). Real Madriletik igaro ostean, Andaluziako taldea izan da entrenatzeko aukera eman dion lehena. Ostiralean lortutako titulua bere lehen titulua izan zen klubetako entrenatzaile bezala eta ziur ez dela azkena izango.

Jarraian hitz egingo dugun entrenatzailea "matagigantes" bezala ezagutzen den taldea zuzendu du denboraldi honetan eta euskal futboleko jokalari ohia da, Andoni Iraola. Mikel Arteta donostiarrari gertatu zaion bezala, bere lehen denboraldia izan da futbol talde profesional baten agindupean, esan beharra dago denboraldi bikaina izan dela. Mirandeseko taldea Errege Kopako finalerdietara eramatea lortu zuen eta txapelketako "matagigantes" tituluaren jabe egin zen berriro, 2012ko Mirandes CD taldea gogoraraziz, maila goreneko talde bat baino gehiago bidean kanporatu baitzuten.

Denboraldiko arrakasta ez da lehiaketa horretan lortutakoan bakarrik oinarritzen. SmartBank ligan bere taldea playoffetan leku bat lortzeko borrokan lehiatzen izan zuen azken jardunaldietara arte, zerbait imajinaezina Anduvan jolasten duen taldea aurreko denboraldian zilarrezko mailara itzuli zela kontuan hartzen badugu. Denboraldi arrakastatsu honek ateak ireki dizkio Rayo Vallecanoko entrenatzailea izateko, lehen mailarako hautagai argia eta SmartBank ligako talde indartsuenetako bat.

Espero dezagun datorren denboraldia gipuzkoako entrenatzaileentzat duela egun batzuk amaitutakoa bezain arrakastatsua izatea. Egurra Misters!

 

.

2015ko Maiatzak 29

MAHAI-INGURUA: “ATZOKO ETA GAURKO ENTRENAMENDUAK”

Datorren ekainaren 1ean, astelehena, 19:00etan eta Gipuzkoako Futbol Federazioaren Areto Nagusian (Anoeta Pasealekua 1) mahai-inguru bat antolatu dugu ondorengo gonbidatuekin: Javi Gracia (Malagako entrenatzailea), Iñaki Alonso (Compostelako entrenatzailea) eta “Jabo” Irureta, moderatzaile lanetan Mikel Etxarri egongo delarik. Gai nagusia honakoa izango da: “Atzoko eta gaurko entrenamenduak”. Beti bezala beharrezkoa izango da hitzaldirako izena ematea 943463022 telefonora deituaz.

.

2015ko Maiatzak 25

FEDERICO VIDAL-EN HITZALDI TEORIKO-PRAKTIKOA

Datorren larunbatean, maiatzaren 30ean, Ibarrako Belartieta kiroldegian 9:00etatik 14:00etara Federico Vidal jaunak (Espainiako Areto Futboleko 21 urtez azpiko Entrenatzailea) hitzaldi teoriko-praktiko bat eskainiko du. Hitzaldirako sarrera irekia da eta oraingo honetan ez da beharrezkoa izango izena ematea. Ekitaldiaren programazioa honakoa izango da: • 1.ZATIA: 9,00-10,15 “Erasorako oinarriak” (Ibarrako kultur etxean) • 2.ZATIA: 10,30-11,45: “Eginkizunen garapenerako egiturazko tresnak ” • 3.ZATI PRAKTIKOA: 12,15-14,00 “Erasorako oinarriak lantzeko egin beharrekoak”

.

2015ko Apirilak 15

JOSE RAMON SANDOVAL-EN HITZALDIA

Datorren apirilaren 20an, astelehena, 19:15etan eta Gipuzkoako Futbol Federazioaren Areto Nagusian (Anoeta Pasealekua 1) Jose Ramon Sandoval (besteak beste Rayo Vallecano eta Sporting de Gijoneko entrenatzaile ohia) jaunak ondorengo hitzaldia eskainiko digu: “Oinarrizko futboletik profesionalera: nahi baduzu ahal duzu”. Beti bezala beharrezkoa izango da hitzaldirako izena ematea 943463022 telefonora deituaz.

.

2015ko Martxoak 27

JOAQUIN ALONSOREN -HONDARTZA FUTBOLEKO HAUTATZAILEA NAZIONALA- HITZALDIA / TXAPELKETARAKO IZEN EMATE EPEA LUZATZEN DA

Joaquin Alonsok, Hondartza Futboleko Hautatzaile Nazionalak, datorren astelehenean, hilaren 30ean Anoetako lokal federatiboetan emango duen “Hondartzako futbolaren historia, bereizgarriak diren oinarrizko arauak eta kontuan hartu beharreko alderdi teknikoak” hitzaldia dela eta, ASTE SANTUAN ospatuko den TXAPELKETAN IZEN EMATEKO EPEA datorren asteartea martxoaren 31aren 13:00ak arte LUZATZEN da. Hitzaldia, gure futboleko estamentu guztietara zuzenduta dago, bereziki txapelketan izena eman duten edo emateko gertu dauden taldeetako kideei. Gogoratu txapelketa apirilaren 2tik 5era ospatuko dela Zurriolako hondartzan. Beharrezkoa izango da hitzaldira etortzeko izena ematea 943463022 zenbakian.

.

2015ko Otsailak 20

FRAN GARAGARZAREN HITZALDIA

Datorren otsailaren 23an, astelehena, 19:15etan eta Gipuzkoako Futbol Federazioaren Areto Nagusian (Anoeta Pasealekua 1) Fran Garagarza (S.D Eibarreko kirol zuzendaria) jaunak ondorengo hitzaldia eskainiko digu: “Eibar eredua, kirol zuzendaritzaren ikuspuntutik”. Beti bezala beharrezkoa izango da hitzaldirako izena ematea 943463022 telefonora deituaz.

.