Zure pasa-hitza ahaztu duzu?

BERRIAK

2021ko Urtarrilak 21

APLAZADOS LOS PARTIDOS DE LIGA VASCA CADETE Y JUVENIL

Euskadiko Futbol Federazioko eta hiru lurralde federazioetako presidenteen bileran eta pandemiaren zenbakiak gora egitearen ondorioz erabaki egin dute Euskal liga kadete eta jubenilen hurrengo bi jardunaldiak atzeratzea.

Astelehenean bilduko dira berriro ere 4 presidenteak behin LABI ren ebazpenak ezagutu ondoren lehiaketei berrekiteko aukera aztertzeko

.

2021ko Urtarrilak 18

JOSU ZUBIA KIROL ETA ENTRENATZAILE ESKOLAREN ZUZENDARI BERRIA

Zuzendaritza Batzordeak, urtarrilaren 12an egindako bileran, Josu Zubia Federazioko kirol zuzendari eta entrenatzaileen eskolako zuzendari izendatzea onartu du.

Josu Zubia ibilbide luzea darama gipuzkoako club desberdinen entrenatzaile bezela, hala nola, Añorga, Mondragon, Aloña Mendi, Bergara, Trintxerpe, Mundarro, Aretxabaleta  eta Urola taldeentan eta baita Gipuzkoako Kirol Egokituen Federazioan ere.

Halaber, Iñaki Sena eskertu nahi genuke urte hauetan Entrenatzaile eskolan zuzendari bezela egin duen bere lana eta dedikaziogatik

 .

2021ko Urtarrilak 13

Lehendakariaren 1/2021 dekretuari buruzko informazioa

.Gipuzkoako Futbol Federazioaren Zuzendaritza Batzordearen oharra atxikitzen da.

Gure web guneko dokumentuak atalean COVID 19 (https://www.fgf-gff.org/pub/documentos.asp?idioma=eu) karpetan honako dokumentuak ikus daitezke:

- Lehendakariaren 1/2021 dekretua, urtarrilaren 12koa

- Jarduera fisiko eta kirola. Galdera erantzunak

.

2020ko Abenduak 04

BULTZA KIROLA EUSKADI

Gipuzkoako Futbol Federazioaren Batzorde Betearazleak, atzo, abenduak 3, egindako bileran, "Bultza Kirola Euskadi" plataformaren eskaerarekin bat egitea erabaki zuen. Plataforma Euskadiko klubek eta elkarteek osatzen dute, eta helburua haurrek eta nerabeek kirola egiteko dituzten eskubideak defendatzea da, ongizatea eta osasuna bermatzeko.

 

Era berean, Gipuzkoako Futbol Federazioak jakinarazi du datorren astean Eusko Jaurlaritzak kirol arloan hartuko dituen erabakien zain dagoela. Lege-egoera berria ezagutu bezain laster, lurralde-lehiaketei dagokienez jarraitu beharreko bidea baloratuko da.

.

2020ko Azaroak 16

JOSE ANTONIO AROSTEGUI (GOIAN BEGO)

Gipuzkoako futbola doluz dago. Joan den larunbatean, Jose Antonio Arostegui Aristeguietak utzi gintuen 93 zituela.  40 urte baino gehiagoz Gipuzkoako Futbol Federazioko Lehiaketa Batzordeko idazkari; 8 urtez federazioko langile; Futbol Afizionatuaren Batzordeko kide izan zen Jose Antonio eta 1988an FGFren kirol merezimenduaren domina jaso zuen. Federazio honek ez du inoiz ahaztuko Jose Antoniok urteetan zehar Gipuzkoako futbolaren hazkuntza eta funtzionamendu egokiaren alde egin duen guztia. Lerro hauetatik gure doluminak bidali nahi dizkiegu familia eta lagun guztiei, eta bereziki bere seme Joxeani, federazioko langileari. Goian Bego

.

2020ko Abuztuak 28

Gipuzkoako arrakasta aulkietan

Aurreko ostiralean ofizialki amaitu zen 2019/20 denboraldia liga handietako entrenatzaile gipuzkoarrentzat eta haien taldeentzat. Mikel Arteta Ingalaterran, Imanol Alguacil eta Julen Lopetegui La Ligan, eta Andoni Iraola zilarrezko mailan izan dira futbol maila altuenetan denboraldia amaitu duten entrenatzaileak. 

Atzerrian entrenatzen duen zerrendako entrenatzaile bakarrarekin hasiko gara, Mikel Artetarekin. Lehen aldiz futbol profesionaleko lehen entrenatzailea izan arren, denboraldi bikaina egin du. Pep Guardiolaren bigarrena izateak Manchester Cityn esperientzia eman zion eta munduko onenetako batengandik ikasteko aukera ere bai. Arsenal F.C. taldea hartu zuen momentu txarrean zegoenean eta egoerari buelta ematea lortu zuen. Taldea Europan sartzea lortu zuen eta denboraldia sentsazio onekin amaitu zuten Fa Cup irabazi eta UEFA Europa Leaguera automatikoki sailkatu ondoren. Oso denboraldi positiboa izan da donostiarrarentzat, Arsenalentzat txarra zirudien denboraldia aurrera ateratzea lortu baitzuen, eta Londresko zaleei eta klubari ilusioa itzuli die.

Gipuzkoako beste sorpresa bat aurkitzeko, Donostiara hurbildu besterik ez dugu egin behar, Imanol Alguacilek arrakasta handiko denboraldia lortu baitu. Geldialdira arte, txuri urdinak kontinente zaharreko futbolean hobekien jokatzen zuenetakoak ziren, eta horren ondorioz Champions postuengatik borrokatzen zuten. Geldialdiak ez zion mesederik egin taldeari, ligako azken partidetan tonuz kanpo zegoela erakutsi baitzuen, baina azkenean Europako txapelketara sailkatzea lortu zuen, sailkapenean seigarren geratu ondoren, UEFA Europa Ligarako txartela lortu zuten. Jokatzeko modu horrek Europa guztia maitemindu zuen, eta ligako talde erakargarrienetako bat bihurtu zen. 

Baina arrakastak ez dira bakarrik ligan lortu. Euren joko sinestezinari esker Errege Kopako finalera iristea lortu zuten. Finalerako bidean gehien gogoratzen den partida Santiago Bernabeun 3-4 irabazi zutena da. Imanolen taldeak karisma eta lehiakortasuna erakutsi zituen erraldoi zuriaren aurka eta finalerdietarako txartela lortu zuen, non gipuzkoar entrenatzaile batek zuzendutako beste talde baten aurka jokatu eta irabaziko zuten, CD Mirandes,  finalerako txartela lortuz. Denboraldi bat historiarako.

Andaluzian Julen Lopetegui dugu hurrengo protagonista. Aurtengoa bere lehen denboraldia izan da Sevilla FC taldean. Sevillako taldea Champions Leaguerako sailkapena lortzeaz gain, UEFA Europa Leaguea irabazi du. Dudarik gabe denboraldiko entrenatzaile gipuzkoarrik arrakastatsuena da. Finalerako bidea ez zan erraza izan, partidu gogorrak eduki dituzte eta Manchester United bezalako talde historikoak kanporatu dituzte (2-1). Real Madriletik igaro ostean, Andaluziako taldea izan da entrenatzeko aukera eman dion lehena. Ostiralean lortutako titulua bere lehen titulua izan zen klubetako entrenatzaile bezala eta ziur ez dela azkena izango.

Jarraian hitz egingo dugun entrenatzailea "matagigantes" bezala ezagutzen den taldea zuzendu du denboraldi honetan eta euskal futboleko jokalari ohia da, Andoni Iraola. Mikel Arteta donostiarrari gertatu zaion bezala, bere lehen denboraldia izan da futbol talde profesional baten agindupean, esan beharra dago denboraldi bikaina izan dela. Mirandeseko taldea Errege Kopako finalerdietara eramatea lortu zuen eta txapelketako "matagigantes" tituluaren jabe egin zen berriro, 2012ko Mirandes CD taldea gogoraraziz, maila goreneko talde bat baino gehiago bidean kanporatu baitzuten.

Denboraldiko arrakasta ez da lehiaketa horretan lortutakoan bakarrik oinarritzen. SmartBank ligan bere taldea playoffetan leku bat lortzeko borrokan lehiatzen izan zuen azken jardunaldietara arte, zerbait imajinaezina Anduvan jolasten duen taldea aurreko denboraldian zilarrezko mailara itzuli zela kontuan hartzen badugu. Denboraldi arrakastatsu honek ateak ireki dizkio Rayo Vallecanoko entrenatzailea izateko, lehen mailarako hautagai argia eta SmartBank ligako talde indartsuenetako bat.

Espero dezagun datorren denboraldia gipuzkoako entrenatzaileentzat duela egun batzuk amaitutakoa bezain arrakastatsua izatea. Egurra Misters!

 

.

2020ko Abuztuak 07

Xabier Artetxe: “Gure helburua garbia da, maila mantentzea”

Aurtengo denboraldian, Ohorezko Erregional Mailan, C.D. Anaitasuna izan hirugarren mailara igotzeko txartela lortu duena. Talde azkoitiarra bi denboraldi ondoren lortu du berriro dagokion lekura bueltatzea, eta hau Xabier Artetxe entrenatzailearen eskutik izan da. Txerloian jokatzen duen taldeak 52 puntu lortu ditu denboraldi honetan, S.D. Eibar B bezala, bigarrena sailkapenean, baina +6-eko aberaste-golarekin. Xabier Artetxerekin hitz egiteko aukera izan dugu.

Zorionak hirugarren mailara bueltatzeagatik. Zein izan da igoera lortzeko giltza?

Eskerrik asko! Taldean garbi geneukan, aurreko denboraldia eta ondoren 3. mailara igotzea zela helburu nagusia. Uste dut, guztiok zentzu berean egin dugula indarra. Hortaz aparte, joko moduari beste baliabide batzuk gehitu dizkiogu eta jokalariak primeran barneratu dute guztia. Giltza beraiek direla esango nuke.

Ezohizko denboraldi honetatik, zerekin gelditzen zara?

Jokalarien konpromisoarekin batez ere. Hasieratik, denboraldia aurretik, erakutsi zuten sailkapeneko goiko postuetan ibiltzeko nahia eta ahalmena, uste dut beraiek ere helburu garbi bat zutela, hirugarren mailara igotzea. Batez ere, momentu zailenetan ere markaturik geneukan bidean sinistu zuten, eta horrek eraman zigun denboraldia amaitutzat eman zutenean lehen postuan egotea. Jokalariez gain, nire laguntzaileen lana aipatu nahiko nuke, Iraitz, Osa eta Asti.

Hurrengo denboraldiari begira, zer iruditzen zaizu 3. Mailan talde gehiago egoteak eta zein da  helburua?

Beno, esan beharra dago denboraldia horrela amaitutzat ematea ez zala erabaki erraza izan federazioentzat. Ondo egiten ari zirenak premiatzea eta hain ondo egiten ari ez zirenak ez zigortzea erabaki zuten. Horrek, maila ezberdinetan talde gehiago egotea ekartzen du eta ematen duenez 3. maila 2 taldez osatuta egongo da, hasierako liga bat jokatuz, ondoren beste liga batera sailkatzeko, goiko taldeekin edo beheko taldeekin osatuta. Azkenean formatu hori bada, denboraldian zehar ez dira partidu gehiago jokatuko, baina inoiz baino gehiago balioko dute hasierako puntuek.

Gure helburua garbia da, maila mantentzea. Azkeneko 10 urtetan 3 aldiz lortu du Anaitasunako lehen taldeak 3. mailara igotzea, aurreko bietan ez genuen lortu mailari eustea, baina erakutsi behar dugu 3. mailan egoteko moduko taldea garela.

Fitxaketa ugari egiten ari zarete hurrengo denboraldiari begira. Zeren bila zabiltzate fitxaketa hauekin?

Lehenik eta behin, herrikoak diren, baina beste talde batzuetan zeunden maila oneko jokalariak ekartzea izan da helburu nagusia, klub honek ondo markaturik bai dauka egin nahi duen bidea. Horietatik bi jokalari ekartzea lortu dugu, Jon Aranda eta Unai Aranbarri, asko emango diguten bi herritar. Horrez gain, aurreko urtean Erasmusetik kanpoan ibili den herriko beste jokalari bat bueltatuko da taldera,  Jon Letamendia. Herriko jokalariez aparte, taldeak zituen beharrak ikusita, garbi geneukan zein jokalari mota eta zein posizio bete behar genituen. Horretarako, ezagutzen genituen jokalarien bila joan gara eta oso gustura gaude Anaitasunara etortzeko erakutsi duten prestutasunagatik.

Jokalari, prestatzaile fisikoa eta delegatua izateak entrenatzaile hobea izaten lagundu dizula uste duzu?

Egia da urteak aurrera joan ahala, esperientzia ezberdinak bizita eta ikasten jarraitzeko gogoarekin, hobetzen joaten zarala, esparru guztietan bezalaxe, futbolean ere bai. Jokalaria izan nintzen azkeneko urteetatik iada futbola beste era batera ikustea edo aztertzea gustatzen zitzaidala esango nuke, eta azkeneko urteetan jakin min hori areagotu egin zaidala. Mundu hau oso zabala eta egunetik egunera aldatzen da, hobetzeko asko dugu oraindik.

C.D. Anaitasuna taldeko One Club Man zara, eta 3. Mailan esperientzia daukazu. Nola definituko zenuke 3. Maila?

Ohorezko mailatik 3. mailara, jauzi handia dagoela esango nuke. Talde guztiak eta nola ez jokalariak, askoz prestatuago daude, maila handiagoa dago bai jokalari edo entrenatzaileen artean. Nahiz eta gauza asko ondo egin, irabaztea asko kostatzen da. Hasieratik markatu behar da eman nahi duzun bidea eta momentu txarretan garbi eduki zer egin behar duzun. Egunero eta entrenamenduro egin behar da lan ona, lehiaketak ez baitu barkatzen. 

Hurrengo denboraldian, hasiera batean, zaletasunik gabe jokatzea zaila izango dela iruditzen zaizu?

 Egia esan kostatu egiten zait imajinatzea partidu ofizialak zaletu gabe jokatuko ditugula. Tentsio gutxiago egoteko arriskua dagoela esango nuke, kontzentrazio gehiago beharko dugu... Moldatu behar izango gara. Gainera, alde horretatik baja garrantzitsu bat edukiko dugula esango nuke, Txerloira zaletu asko etortzen bai da eta beraien berotasunak bultzada ematen bai digu.

Hiru denboraldi geroago Lagun Onak eta Anaitasunaren arteko derbia bueltan dago!

Jokatu daitekeen partidurik ederrenetakoa dela esango nuke. Ofizialki, bi klubetako lehengo taldeek ezin izan ditugu partidu asko jokatu elkarren aurka azkenengo urteetan eta jokatzen denean argi gelditzen da partidu bereziak direla, bai bi klubetako partaide (jokalari, entrenatzaile, direktiba...) zein zaletuentzat. Ez da partidua bakarrik, aste osoa da berezia, lantokian, kalean, lagun artean... Eta nola ez eguna bera, aurreko bazkari edo ondorengo tragoak. Zaletuekin jokatzea espero dut. Horrez aparte, bada ordua Lagun Onaki partidu bat irabazteko!

Eskerrik asko guztiagatik eta zorte on hirugarren mailako itzuleran!

Zuei. Ea laster zelaian ikusten garen.

.

2020ko Abuztuak 04

Lehiaketa-taldeen osaera: Ohorezko Erregional Maila, Gorengoen Maila, Jubenilen Ohorezko Maila eta Kadeteen Ohorezko Maila

Bihar, abuztuak 5, asteazkena, Gipuzkoako Futbol Federazioa eta kluben arteko bilera ospatuko da, hurrengo kategorien lehiaketa-taldeak osatzeko: Ohorezko Erregional Maila, Gorengoen Maila, Jubenilen Ohorezko Maila eta Kadeteen Ohorezko Maila.

Bilera online egingo da, Zoom plataformaren bidez; bilera horiek kategoriaka egingo dira, bideokonferentziaz. Klub bakoitzari bilera bakoitzera sartzeko link-a parekatuko zaio. Pertsona bat klub bakoitzeko.

Ordutegiak:

18:00h- Ohorezko Erregional Maila

18:20h- Gorengoen Maila

18:40h- Jubenilen Ohorezko Maila

19:00h- Kadeteen Ohorezko Maila

.

2020ko Uztailak 21

UEFA Women’s Champions League-ak Donostia bisitatuko du

Espainiako Futbol Federazioak antolatuko du emakumezkoen Champions Leagueko 8ko finala, eta partidak Bilbon eta Donostian jokatuko dira, Reale Arenan eta San Mamesen. Europako emakumezkoen txapelketa nagusiaren azken fasea abuztuaren 21etik 30era jokatuko da partida bakarrera, partiden banaketa honako hau izango da: 21ean eta 22an final-laurdenak, 25ean eta 26an bi semifinalak eta abuztuaren 30ean, Reale Arena zelaian, jokatuko da final handia.

Gizonezkoen futbol profesionalean egiten ari den bezala, ez da ikuslerik egongo harmailetan, eta prebentzio-protokolo bat jarraituko da COVID-19ren aurrean, kutsatzeko arriskuak ahalik eta gehien murrizteko. Beraz, berriro ikusiko ditugu maskarak, eskularruak eta babesteko bestelako tresna motak partidetan zehar.

Azken fasean parte hartuko duten taldeak: Atletico Madrid (Espainia), Glasgow City FC (Eskozia), Wolfsburgo (Alemania), FC Barcelona (Espainia), Paris Saint-Germain (Frantzia), Arsenal (Ingalaterra), Bayern Munich (Alemania) eta Olympique Lyon (Frantzia). Partidak jokatuko diren lekuak, ordutegiak eta parekatzeak honako hauek dira:

Final Laurdenak

Abuztuak 21, Ostirala

Glasgow City - Wolfsburgo (18:00H, Estadio de Anoeta, Donostia)

Atlético de Madrid - Barcelona (18:00H, San Mamés, Bilbo)

Abuztuak 22, Larunbata

Arsenal - Paris Saint-Germain (20:00H, Estadio de Anoeta, Donostia)

Lyon - Bayern (20:00H, San Mamés, Bilbo)

Semifinalak

Abuztuak 25, Asteartea

Lehenengo semifinala: Glasgow City/Wolfsburgo - Atlético/Barcelona (20:00H, Estadio de Anoeta, Donostia)

Abuztuak 26, Asteazkena

Bigarren semifinala: Arsenal/Paris - Lyon/Bayern (20:00H, San Mamés, Bilbo)

Finala

Abuztuak 30, Igandea

Semifinaleko irabazlea 2 - Semifinaleko irabazlea 1 (Ordutegia baieztatu gabe, Estadio de Anoeta, Donostia)

Argazkia: UEFA

2020ko Uztailak 15

U.D. Aldaia C.F., gainditu beharreko azkenengo horma

U.D. ALDAIA C.F 2014an sortutako talde valentziarra da, gizonezkoen zein emakumezkoen taldeak dituena. Datorren uztailaren 25ean Valentziako klubeko emakumezkoen lehen taldea Añorga KKEren aurkariak izango dira Reto Iberdrola ligara igotzeko playoffetan. Puntu honetara iristeko beraien bidea Donostiako taldeak egindakoaren berdina izan da. Emakumezkoen Lehen Mailako 7. multzoan ligako txapeldunak izan ziren, eta Gipuzkoako taldeari gertatu zitzaion bezala, Espainiako Futbol Federazioak emakumezkoen lehiaketa guztiak amaitutzat emateko erabakiaren ondoren, bi taldeek igotzeko lehian parte hartzeko baimena lortu zuten, euren taldeetako lehen postuan geratu baitziren.

Valentziako taldeak ez zuen partidarik galdu ligan, 19 partidatan 14 garaipen eta bost berdinketa lortu zituzten. Hau funtsezkoa izan zen euren multzoan lehen postua lortzeko, liga Joventut Almassora CF bigarren sailkatuarekin berdinduta amaitu baitzuten, baina abantaila eman ziena 14 garaipenetako bat izan zen, bi kluben arteko partiduan lortutako garaipena, non txapeldunek 4-2 irabazi zuten. Olga Carbonell bere jokalarietako hoberena da, denboraldi honetan 22 gol sartu ditu 19 partidutan. Donostiarrak oso adi egon beharko dira berataz.

Hau da Añorga KKE bere igoerarako ametsa lortzeko gainditu behar duen azkenengo horma. Badakigu ez dela erraza izango, baina zuekin gaude. Animo neskak!

Argazkia: U.D Aldaia C.F.